Langrend-imik sisorartartoq Martin MØller OL-imut ilaasussaajunnaarpoq,
25-inik ukiulik Martin Møller aviisimut Politiken-imut oqarpoq langrend-imik unammisarnerni peqataasarunnaarluni, sisoraatigaluni aallaasimik nakerniuttarnernut ilanngunniarluni. Taamatut aalajangernini pissutigaa, Kalaallit Nunaat sinnerlugu OL-imut ilaasinnaaneq ajornannginnerummat.
Martin Møller aviisimut aamma oqarpoq, danskit skiforbund-ianit tapersersorneqannginnini pissutigalugu, Kalaallit nunaat sinnerlugu sisoraatigaluni aallaasimik nakerniunnertalimmut ilanngunniarluni.
Martin Møllerip unammisaatsimut allamut nuunnialersaarnera, Kalaallit Nunaanni sisorartartarut kattuffianni siulittaasup tullianit Klaus Møller-imit uppernarsarneqarpoq.
- Taamatut pilersaaruteqarnera paasisinnaalluarpara, tassami Kalaallit Nunaata erfalasua atorlugu nunarsuaq tamakkerlugu unammisarnernut ilaasarusuppoq, Klaus Møller oqarpoq.
Nunarsuaq tamakkerlugu sisoraatigaluni aallaammik nakerniunnerit januaarimi ingerlanneqartussaapput, taasanilu Martin Møller-ip peqataanissaa Klaus Møller-imit ilimagineqarpoq.