Ritzau Timersorneq

OL Laila Salling halfpipemi kingulliup tullinngortoq

Laila Salling Korea Kujallermi OL-ertoqarnerani halpipemi anngunniunnermit ingerlaqqinngitsoorpoq.

Allattoq Ritzau

februaarip 19-at 2018 04:12

Nutserisoq Simon Uldum -

Sisorartartoq Laila Friis Salling Korea Kujallermi Pyeongchangimi ukiuunerani OL-ertoqarnerani halfpipemi freestylerluni anngunniunnermit ingerlaqqinngitsoorpoq.

32-nik ukiulik nunatsinneersoq OL-imi peqataaqqaarnermini anngunniunnermi marloriarluni misiliivoq, misiliinermilu siullermi 45.00-nik scoreqarnillu aatsaat taama angusarissaaritigivoq.

Aappassaanik misiliigami 11.80-nnarmik scoreqarpoq, ingerlaarnermini orlunini akisunaarlugu.

AAMMA ATUARUK Halfpiperfissaq pitsaasorujussuuvoq

Misiliineq takutitsilluarfiusoq taamaallaat apeqqutaasarpoq, ingerlaqqittussalli aqqaneq-marluusut akornanniinnissamut naammanngilaq.

Laila Friis Salling peqataasunit 24-usunit normu 23-nngorpoq.

Ungarnimeersoq Elizabeth Marian Swaney 31.40-nik scoreqarluni kingullinngorpoq.

Laila Friis Salling ingerlaqqinniassaguni ikinnerpaamik 72.80-nik scoreqartariaqaraluarpoq taakkuli qanillinngitsoorpai.

/ritzau/