Laila Friis-Salling kalaallit inuusuttut ikiorniarlugit orpimmik pinnersaavoq

“Arsarnerit takussallugit amminillu aaqqaserlutik Sermersuaq misigisassarsiorfigissallugu takorloortarpiuk, taava akitsorserussinermut peqataagit”. Laila Friis-Salling, kaalaallit inuusuttortaat ikiorusullugit orpimmik pinnersakkaminut tunngatillugu taama allappoq.
Assi © : Annett Ahrends
decembarip 06-at 2018 09:41

 “Vild med dans”-imi qiteqataasimasoq, sisorarluni freestylertartoq OL-imullu peqataasimasoq Laila Friis-Salling kalaallinut inuuusuttunut aningasaanik alutornartumik katersueriaaseqarluni sapaatit akunnerini makkunani akitsorterussileruttorpoq.

Laila Friis-Salling Inuusuttut Røde Korsiallu orpimmik tunissutissalimmik pinnersaapput. Orpik tunissutissallu akitsorterunneqassapput. Aningaasallu Kalaallit Nunaanni Inuusuttut Røde Korsiannut tunniunneqassapput.

Lailap orpik pinnersagaa ilaatigut tunissutissanik Ilulissanut billetsimik, akunnittarfimmi unnuinissanik, atisanik kalaalerpaluttunik, soorlu puisip amianik atisalianik allanillu assigiinngitsunik imaqarpoq. Tunissutissat 43.356 koruuninik  naleqarput.

Laila Friis-Sallingip peqataanini akuersisimaninilu nuannaarutigai.

- Akuersivunga, orpimmi pinnersaaninni aningaasartai Kalaallit Nunaannut tuttussaammata aammalu ikiueqataarusukkama.

Akitsorserussinermi maanna 24.000 koruunit anguneqareerput, Lailalli amerlanerunissaat neriuutigaa.

- Tassa 24.000 koruuninut killerinnera torrattorujussuuvoq, soorunalimi neriuppunga allat aamma taggissiumaartut.

Orpiup akitsorterunneqarunnaarnissaanut ullut tallimaannanngorput.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq