Assi: Erik Cleves Kristensen/Flickr

Lagmandi: Savalimmiut tunngaviusumik inatsisissaat piariilerpoq

Savalimmiuni politikerit nunami naalakkersuinikkut aaqqissuussinerup oqaasertassaasa isumaqatigiissutiginissaat qanilliartorpaat. Savalimmiuni naalakkersuisut siulittaasuat taama nalunaarpoq.

Danmarkimulli attaveqarneq suli assut isumaqatigiinngissutaavoq.

- Lagtingimi partiit akornanni isumaqatigiittoqarnissaa siunertaraarput, Savalimmiuni Socialdemokratiineersoq naalakkersuisut siulittaasuat Aksel V. Johannesen taama oqarpoq.

Taassuma nunami naalakkersuinikkut aaqqissuussinermi oqaasertaasussat isumaqatigiinniutigineqarneranni siuttuuvoq. Taassumalu isumaa malillugu suliaq ingerlalluarpoq:

- Neriuutigaara ukiap ingerlanerani isumaqatigiittoqarnissaa, siunnersuullu ukioq manna Lagtingimut saqqummiunneqarluni.


Danmarkimut ataneq suli avissaartuussutaasoq

Naalakkersuisut isumaqatigiissutaat tunngavigalugu Savalimmiormiut kingusinnerpaamik 2017-imi naalakkersuinikkut aaqqissuussinerup oqaasertassai taasissutigissavaat.

Naalakkersuinikkut aaqqissuussinermut atatillugu siornatigut Danmarkimiit avissaarnissaq eqqartorneqartarpoq, Aksel V. Johannesenili oqarpoq tamanna ilaanngittoq.

- Savalimmiormiunuku kinaassutsimut uppernarsaataat. Siunertaanngilaq savalimmiormiut naalakkersuinikkut aaqqissuussinermi Danmarkimiit avissaarnissaat. taanna oqarpoq.

 Aamma atuaruk Tunngaviusumik inatsisitaarnissaq Danmarkip tunngaviusumik inatsisaanut akerliussanngitsoq

Danmarkimiit avissaarusuttut Republikanerit Sambandspartiillu akornanni aallartinnerani oqaasertap avissaartippai. Soorlu 2011-mi isumaqatigiingajanneqarmat taamaa pisoqarsimasoq.

Republikanerimmi kissaatiginngilluinnarpaat Danmarkip eqqaaneqarnissaa, Sambandspartiilli piumasaralugu.

Naalakkersuisut siulittaasuat Aksel V. Johannessen naapertorlugu pingaaruteqartoq tassaavoq nalornisigineqassanani kikkut savalimmiormiunut oqartussaasuunersut.

- Naalagaaffeqatigiinnermut EU-mut atorfeqarfinnilu nunat tamalaat akornanniittuni nalornisigineqassanngilaq savalimmiormiut tassaammata allannguinissaminnut pissaaneqartut. Pissaaneqartoqanngilaq takkulluni savalimmiormiunik pinngitsaaliisinnaasunik, Johannesen oqarpoq.

Isumaqatigiissutissami oqaasertassami ilaavoq Lagtingip taasissutigereerpagu,  naalakkersuinikkut aaqqissuussineq pillugu savalimmiormiut siusinnerpaamik ukiup affaa sivisunerpaamillu ukiup ataatsip ingerlanerani taasitinneqassasut.

Aamma atuaruk Savalimmiut Nunatsinni sinniisuutitaqalernissartik kissaatigigaat

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat