Ladies Circle Meeqqat Inuunerissunut 60.000-it sinnerlugit katersisimapput

-Ladies Circle 72 Nuummi  siulittaasutut siunertamut pitsaasumut aningaasanik taama amerlatigisunik katersisimanerput tulluusimaarutigisupilussuuara. Aningaasat Meeqqat Inuunerissunit atorluakutsoorneqarnissaat qularinngilara, aamma suliniutip attuumassuteqartunut sunniutai pillugit tusagaqarnissara qilanaarivara, Britta Keldsen oqarpoq.

Najukkami attaveqaqatigiit ukiumut 10-20-eriarlutik ataatsimiittarput, ilaasortallu aalajangersimasumik sammisaqarlutik naapittarput, soorlu suliffeqarfimmut pulaarlutik, oqalugiartitsillutik assigisaanillu. Aalajangersimasunik eqqartusagassaqartarpoq, attaveqaqatigiinnit nunarsuaq tamakkerlugu assigiimmik malinneqartussanik. Ladies Circle ukiut tamaasa nunat tamalaanit ataatsimeersuartitsisarpoq. Ataatsimeersuarnerlu ukiormanna Zambiami ingerlanneqassaaq.

-MIBB sinnerlugu Ladies Circle annertuumik qujassuteqarfigaarput MIBB suliarpullu eqqarsaatigisimammassuk. Aammattaaq siunertamut pitsaasumut tunissuteqarusussimasorpassuit qujaffigerusuppagut MIBB/Bedre Børnelivip siulittaasua Britta Nielsen Johansen oqaluttuarpoq, tassanilu suliniutinik aqutsisoq ima nangippoq: -Annertuumik tapersorneqarneqarput nuannaarutigalugulu tulluusimaarutigaarput. Ingerlaqqinnissatsinnut nukittorsaatigaarput Kalaallit Nunaannilu meeqqat tamaasa inuunerissuunissaannik suliniuteqarnitsinnik nukittorsaavoq. Peqatigiilluta aatsaat meeqqat inuunerissut pilersissinnaavagut.

Paasisaqarnerusukkuit, una alakkarsinnaavat ladiescircle.dk