Labour EU-mit aninissaq pillugu isumaqatigiinniaqataajunnaartoq

Sulisartut partiiata Labourip siuttuata, Jeremy Corbynip, nalunaarutigaa, Labour Tuluit Nunaata EU-mit aninissaanut isumaqatigiissuteqarnissaq pillugu naaperiuteqarnissamut isumaqatigiinniaqataajunnaarpoq.
Assi © : Tiocfaidh ár lá 1916/Flickr Creative Commons
Allattoq Ritzau
maajip 17-at 2019 13:45
Nutserisoq Ivik Kristiansen

Isumaqatigiinniarnerit ingerlaqqiffiusinnaajunnaarsimasut Jeremy Corbyn premierministerimut Theresa Mayimut allagaqarpoq.

Tamatuma saniatigut Corbyn allappoq, premierministerip oqartussaassuseqarnera innarlerneqarsimammat Tuluit Nunaata naalakkersuisui isumaqatigiissusiorsinnaasorinagit.

Ingammik akitsuusiiffeqatigiinnermut innuttaasullu taasisinneqaqqinnissaannut tunngasut isumaqatigiissutigineqanngitsut premierministerip oqaaseqartartua oqarpoq.

Labourimik inaarutaasumik isumaqatigiissusiortoqassannginnera erseqqarittoq oqaaseqartartoq oqarpoq. Mayili partiimik ikorfartuisumik DUP-mik konservativillu iluanni isumaqatigiinniarnernut neriulluarpoq.