Assi: Tiocfaidh ár lá 1916/Flickr Creative Commons

Labour EU-mit aninissaq pillugu isumaqatigiinniaqataajunnaartoq

Sulisartut partiiata Labourip siuttuata, Jeremy Corbynip, nalunaarutigaa, Labour Tuluit Nunaata EU-mit aninissaanut isumaqatigiissuteqarnissaq pillugu naaperiuteqarnissamut isumaqatigiinniaqataajunnaarpoq.

Isumaqatigiinniarnerit ingerlaqqiffiusinnaajunnaarsimasut Jeremy Corbyn premierministerimut Theresa Mayimut allagaqarpoq.

Tamatuma saniatigut Corbyn allappoq, premierministerip oqartussaassuseqarnera innarlerneqarsimammat Tuluit Nunaata naalakkersuisui isumaqatigiissusiorsinnaasorinagit.

Ingammik akitsuusiiffeqatigiinnermut innuttaasullu taasisinneqaqqinnissaannut tunngasut isumaqatigiissutigineqanngitsut premierministerip oqaaseqartartua oqarpoq.

Labourimik inaarutaasumik isumaqatigiissusiortoqassannginnera erseqqarittoq oqaaseqartartoq oqarpoq. Mayili partiimik ikorfartuisumik DUP-mik konservativillu iluanni isumaqatigiinniarnernut neriulluarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat