Assi: KNR/Helle Nørrelund Sørensen

Aleqa Hammond Løkke pissutsinik takunninngitsuusaarpoq

Danskit ministeriunerat Nunatsinnut naalagaaffeqartiinnermullu tunngasumik ukiortaami oqalugiaammi immikkut eqqaasaqannginnera Danmarkip tungaaniit pissutsinik takunninngittuusaarneruvoq, tamannalu Naalagaaffiup iluaqutiginagu ajoqutigissagaa.

Nunatsinnit folketingimut ilaasortat aappaa, Aleqa Hammond taama oqaaseqarpoq.

Nunanut allanut tunngasunut naalakkersuisup Vittus Qujaukitsup danskit aviisiannit Politikenimit qanittumi apersorneqarluni Danmark Nunatsinnut anneruniarnerarpaa. Tamannalu ilutigalugu Nunarput Naalagaaffeqatigiinniit anissanerarlugu USA-lu Thulemiit anisinniarlugu Vittus Qujaukitsoq siorasaarivoq.

 Lars Løkke Rasmussenillu ukiumi nutaami oqalugiaammini Nunatsinnik inissaqartitsinnginnera anneruniarneragaanerannut oqaasertaqanngitsumik qisuariaaataasoq, Aleqa Hammond isumaqarpoq.

Naalakkersuisut siulittaasuuata kalaallit taama siorasaarinnginnerarai kingusinnerusukkulli tusagassiortunik katersortitsinermi naalakkersuisup pakatsissuteqarnera paasisinnaaneraraa Aleqa HAmmondip eqqaasitsissutigaa.

AAMMA ATUARUK Naalagaaffeqatigiinnit aninialersaanngilagut

- Naalakkersuisut siulittaasuat tunuarsimaqqaariarluni tunuliaqutarisaminit inaalinneqarnermigut isummaminik allanngortitsinerata naalagaaffeqatigiinnerup iluani siuttut imminnut ungasillisippai, Aleqa Hammond KNR-imut allappoq.

Danskit ministeriunerisa Nunarput naalagaaffeqatigiinnerlu ukiortaamut oqalugiaammi ukiuni kingullerni qulini eqqaaneq ajoraat, KNR-ip misissuinerata takutippaa.

Ministeriunerulli Nunarput Naalagaaffeqatigiinnerlu eqqaanngikkunigit, Nunatta Danmarkillu akornanni pissutsit sukasimanartut tunuarsimaarfigigai, folketingimut ilaasortaq isumaqarpoq.

- Dronningip Naalagaaffeqatigiinneq sinnerlugu Naalagaaffeqatigiinneq taasarpaa, taamaattoq ukiuni kingullerni Naalagaaffeqatigiinneq Danmarkimut pingaaruteqarluinnartutut taaneqartarnera annertusivoq naalagaaffinngorumanerlu maani annertusilluni, Hammond allappoq.

- Nunarput taaneqartanngippat Danmarkip tungaaniit pissutsinik takunninngittuusaarneruvoq tamannalu Naalagaaffiup iluaqutiginagu ajoqutigissagaa isumaqarpunga, Aleqa Hammond allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat