Kørestolini orsuerummat arsaqataanngitsoorpoq
Danskit kørestolertut inuiattut arsaattartuisa, nunarsuarmi pikkorinnerpaat pingajuinut, Tuluit Nunaanneersunut, unammigamik målmandertik,
kalaaleq, Illoqqortoormiuneersoq, Dan Kunnak Lund, maqaasivaat, tassami taanna kørestolini orsuerussimammat arsaqataanngitsoormat, aviisimi Ekstra Bladet-imi taama allaaserinnittoqarpoq.
oktobarip 11-at 2007 08:15
Dan Kunnak Lundip nalaarsinerlukkaluarluni, arsaaffiup avataaniit isiginnaarluni iligisani tulunnut 1-1-ermata nuannaarutigeqaa.
-Tulunnut taakkununngarpiaq 8-1-imik siorna ajorsarpugut. Maanna angusarput qanoq siuariarsimatiginitsinnut takussutissaavoq, inuiattut arsaattartut sungiusaasuat, Niels Rossing, arsaattartut nittartagaanni allappoq.
Danskit Tuluit Nunaannut unammereerlutik Frankrigimut 8-0-imik ajorsarujussuarput, taamaattorli Portugalimut kingornatigut unammigamik 3-0-imik ajugaapput.
Belgia, aamma USA, suli ajugaaffigineqanngitsoq, tallimanngorpat unammisussaavaat. Taamaalilluni nalunarunnaassaaq danskit unammisartui
ajugaaniutivinnissamut anngunniunnernut ilaasinnaassanersut.
