Københavnip aqquserngini akerliussutsimik takutitsipput
Akerliussutsimik takutitsisut ilaat 35-t maannamut politiinit tigusarineqartut, aviisimi Berlingske Tidendemi allaaserineqarpoq.
Akerliussutsimik takutitsineq taaguuteqarpoq Don't buy the lie - kalaallisut taasinnaasarput, sallu pisiareqinagu, suliffeqarfinnullu "silap pissusaanut pinerluuteqartunut" tunngatinneqarluni. Matumani siunertarineqarpoq, eqimattanut 15-inut agguataariarluni inuutissarsiornermi "silap pissusaanut ajortuliortunut" akerliussutsimik takutitsinissaq, suliffeqarfissuit pineqartut ilagaat Dansk Industri, McDonalds, Mærsk aamma Deloitte.
Ullaap tungaani akerliussutsimik takutitsinerit, aqagu akerliussutsimik takutitsinissarsuarmut naleqqiullugit mikisunnguusut oqaatigineqarpoq. Maannami silap pissusaanut iliuuseqarusuttut 700-t Tuluit Nunaanneersut, Frakrigimeersut Belgiameersullu Danmarkimut ingerlaaleruttorput.
Ritzauimit qanittukkut paasineqarpoq, silap pissusaa pillugu isumaqatigiissutissatut siunnersuutigineqartumi siullermi, CO2-mik mingutsitsinerup 2050-imi 50 procentimik minnerulersinneqarnissaa siunnersuutigineqarniartoq.
