Københavnimiit Dubai-mut timmisartukkut aqqut kinguartinneqaqqippoq

Købehavnip Dubai-llu akornanni timmisartuussineq ukiaru aallartittussaagaluaq qaquguugaluarnersumut kinguartinneqarpoq. Muuamaamik titartakkat pissutaanngitsut, timmisartuutileqatigiit Emiratit Skandinaviami tuniniaasuat erseqqissaavoq. Timmisartuutileqatigiit Emirats, kangiani qiterlermi angerlarsimaffeqartut nunarsuup ilarujussuanut angallassisareersut Skandinaviamut timmisartuussisalernissartik qangali pilersaarutigilerpaat, ukiarulu aallartinnissaa Københavnip Mittarfissuanut isumaqatigiissutigineqareeraluarluni.

Kinguartitsineq tusarliunneqarmat pissutaasinnaasut eqqoriaqattaarneqarput, allaat Muamaamik titartakkat kingunerisaanik saammaateqatigiissitsinissamik suliniutaagaluaq iluatsinngitsoq pissutaatinneqarluni. Timmisartuutileqatigiilli Skandinaviami tuniniaasuata erseqqissaatigaa Dubaimiit Europami sumiiffik alla akilersinnaanerusutut isigisartik siunniukkallaritsik. Ilimageqquaa Dubaip Københavnillu akornanni timmisartuussinerup ammarnissaa ukiup affaata ilivitsullu akornanni kinguartiinnarneqartoq.

-Københavnimut tunngasoq kisiat kinguartinngilarput. Tysklandimi Hamborgimut timmisartuussisarnissaq aamma taama pivarput, Emirats-it tuniniaasuat oqarpoq.