Københavnimi ullumi qaartartumeerisoqarpoq

Qaartartumeeriffigineqartoq tassaavoq Hotel Jørgensen, Rømersgademiittoq. Qaartartumeerineq anartarfimmi pivoq, sakkortuallaaranilu taamalu ajoqusertoqarani. Sooq qaartartumeerisoqarnersoq suli paasineqanngilaq.
Allattoq Elisa Isaksen
septembarip 10-at 2010 15:18

Qaartartumeerisutut pasineqartoq illoqannginersamut Ørstedsparkimut arpalluni qimaagaluarpoq tigusarineqarlunili.

- Angut Ørstedsparkimiittoq politiit tigusaraat, saviminernillu paffequtseriarlugu ungasillillugu - qularnanngitsumik qaartartumik qitequteqarnissaa ilimagalugu. Tamannali suli uppernarsineqanngilaq politiillu qulit 15-illu missaanniittut nakkutigaat, tusagassiortoq Annette Dich DR-imeersoq oqarpoq.

Tusagaq kingulleq tassaavoq qaartartunik qaarneqanngitsunik piiaat rullemariemik taaneqartartoq atorlugu angutip qitequtaa peerneqarsimasoq.

- Qitequtaa nalunaaquttap akunnerata affaata missaani misissuiffigaa igiffigalugulu, DR-imi tusarfiit taama oqaluttuarput.