Københavnimi peqqarniisaarluni saassussisoqarnerani toqutaasut marlunnik ilapput

Arfininngornerup sapaatillu unnuaani eqqaassisup angut 37-nik ukiulik Københavnip qiterpasissortaani juutit naalagiartarfiata eqqaani nakkutilliisoq aallaallugu toquppaa. Taassuma saniatigut politiit marluk juutit naalagiartarfiata eqqaani nakkutilliisut aamma ikilerneqarput.

Eqqaassisoq tassaagunarpoq arfininngornermi ualikkut Københavnimi Østerbromi oqallilluni ataatsimiittunut aamma eqqaassisoq. Svenskeq titartaasartoq Lars Vilks, 2007-imi profetimik Muuamaamik titartaasimasoq killilersugaanani oqaaseqarsinnaaneq pillugu ataatsimiinnermik aaqqissuussinermi peqataavoq. Eqqaassinermi ataaseq toqutaavoq politiillu pingasut ikilerneqarlutik.

Pinerliisoq politiinit ilisimaneqarpoq
Ullaassaq nalunaaqutaq tallimanut politiit pinerliisutut pasineqartoq Københavnimi Nørrebromo inissiami tigusariniarsaraat. Tassani angut politiinut eqqaassilermat politiit akillugu eqqaassinermi angut aallaaneqarluni toqutaavoq, aviisi Politiken taama allappoq.

Ippassaq unnuarlu eqqaassisoqarnerani inuit pingasut toqupput politiillu tallimat ikiligaallutik.

Nuatarterneqartassaaq..