Københavnimi Kalaallit Illuutaanni ukiormanna saqqummersitsinerit kingullersaat
Kristian Mainz Kalaallit Nunaanni angalasarnerpassuamini qaqqanik, ujaqqanik kinnerinillu ujaranngornikunik assiliisarsimavoq - ilaatigut qanillivillugit assilisarsimallugit, taamaattumillu assilisaata takoqqaarnerani ujaraanera takuminaassinnaasarluni. Assilisai atuakkami Inuami 2012-imi saqqummersinneqarput, taakkuppullu Kristian Olsenip, Aajup, qalipakkamini aallaavigisimasai.
Kristian Mainzip assilisai Nuummi Ilulissanilu ukiormanna aamma saqqummersinneqarput, aatsaalli Aajup qalipagai peqatigalugit saqqummersinneqarlutik. Taakku assilisanik atuakkap Niviarsiaq - Kalaallit Nunaata anersaava - 2008-meersoq Aajup taalliaanik ilalerlugu suliarineqarmat suleqatigiilerput.
Kristian Mainz oqaluttuarpoq assiliisarnermini pinngortitap kimia piffissallu ingerlarnga ersersinniartarlugit.
Saqqummersitsinermullu atatillugu pania, Kamilla Mainz, angummi Kalaallit Nunaanni assilisai isumassarsiorfigalugit erinniorsimavoq.
