Københavnimi isumaqatigiinniarnissani Nunarput neriorsuuteqariissanngilaq
Silap kiatsikkiartornera pakkersimaarniarlugu iliuusissatut isumaqatigiissuteqaraluarpalluunniit Alcoa, kuultisiorfiit uuliamillu qalluinissarsuaq periarfissaassapput. Nunattali iluani qanorpiaq pisuussuteqartiginersoq nalunarluinnarpoq, taamaammallu ilisimasaqarfiginngisatsinnik pisussaaffilersussanngitsugut, Kuupik Kleist oqarpoq.
- Tonsit qassiit pineqaraluarpataluunniit nunarsuarmioqatigiinnut naligiissitaanissarput aningaasarsiornikkullu ineriartornissamut akornusersorneqannginnissarput, aallaavigaarput, Kuupik Kleist oqarpoq.
Silap allangoriartornera pakkersimaarniarlugu iliuusissatut Nunatta Danmarkillu akornanni isumaqatigiissutissami Nunatsinni tunisassiornerup ineriartortinnissaanut periarfissaqarnissaaq tunngaviulluinnassasoq, Naalakkersuisut siulittaasuat oqarpoq.
- Aningaasarsiornikkut immitsinnut pilersornerulernissaq, suliffissuaqarnikkut inerisaasinnaaneq kiisalu aatsitassarsiornikkut inerisaanissamut akornusersorneqannginnissarput, naalakkersuinikkut toqqammaviusumik anguniagaraarput. Minnerpaamik nunarsuarmioqatigiinni atugassarititaasut assigiit atorlugit inerisaasinnaanissarput aalajangiusimavarput, Kuupik Kleist erseqqissaavoq nangillunilu:
CO2-mik aniatitsinerput 2020-ip tunngaanut millisarniarlugu uatsisinnut pisussaaffilissasugut. Qanorli atsigisumik aniatitsinikinerulissanersugut Kuupik Kleistip oqaatigerusunngilaa.
silap pissusaanut tunngasunut danskit ministeriat, Lykke Friis, Kuupik Kleistip oqarasuaatikkut ippassaq unnukkut ataatsimeeqatigerngaarpaa.