Københavnimi inuusuttut arfinillit tigusarineqarput
Inuusuttut pingasut biilertut Københavnip Avannaa-kitaani tigusarineqarput - illuinnarsuut aqerlulimmik immigaq biilip issiaviata ataanut toqqoqqagaat. Kingulliit pingasut qimaariaraluartut Nørrebromi tigusarineqarput, qimaaniarsarinerminnilu sakkunik arlalinnik illorsualiap tunuata silataanut miloriussuisimapput.
Aviisi Berlingske Tidende malillugu, Nørrebromi eqqaanilu qaammatip ataatsip missaani aqqaneq-marlussoriarluni eqqaassisoqartarsimavoq. Ippassarlu kingumut tassa taama pisoqarpoq.
Kakiuisarfimmi sulisoq, Rockerinut Hells Angellsinut attuumassuilik, eqqaassinermi qungatsimigut eqqorneqarpoq, biilillu tungaannut, kiisalu Hells Angellsikkut ikiaroornartumik hashimik tuniniaaffigisartagaata, Jægersborgip, tungaanut, ippassaq unnukkut kingusissukkut aamma eqqaassisoqarpoq.
Taamatut eqqaassisaqattaarnerit kingunerisaannik rockerit nunasisunillu kingoqqisut aaqqiagiinngittarnerujussuisa unitsinnissaat Christiansborgimi politikerit piumasarinialerpaat.
Socialdemokratit Venstre-llu eqqaassisaqattaarnerit akuerineqarsinnaannginnerarpaat, rockerillu pillugit inatsisit sukaterneqartariaqarnerarlugit. Nutaarsiassaqartitsivimmi Ritzauimi tamanna atuarneqarsinnaavoq.
