Københavnimi angut kalaaleq parnaarunneqartoq
Silap pissusaa pillugu Københavnimi ataatsimeersuartoqarnerani akerliussutsimik takutitsisoqarmat, angut kalaaleq 30-it tikingajallugit ukiulik politiinit tigusarineqarpoq januarillu sisamaata tungaarnut parnaarunneqarluni, TV2-ip nutaarsiassaqartitsivia taamatut allaaserisaqarpoq
Allattoq Jaaku Lyberth
Akerliussutsimik takutitsisut Christiansborgip silataannit ataatsimeersuarfiusup Bella Centerip tungaanut ippassaq ingerlaarmata, tigusarineqarput. Parnaarunneqartut sisamat taakkunani kalaaleq aamma peqataavoq, aqqusinermi eqqissiiviilliortitsisimasutut politiillu sulineranni nakuuserisimasutut pasineqarlutik parnaarunneqarput.
Parnaarunneqartut Københavnip ilaani Amagerbrogade-mi ippassaq tigusarineqarput. Angut kalaaleq franskerlu januarip ulluisa sisamaata tungaanut parnaarunneqartussanngorlugit tigusarineqarput