Københavni qaariaannaq

Angutit inuusuttut marluk nunasisunit kingoqqisut, politiit misissuinerisa nalaani, ulluni 27-ni tigummigallagassanngortitaasimapput.

Manna tikillugu paasineqarallartut malillugit sakkut qaartartullu pinerlunniarnermut atussamaarneqarsimasut, taamalu peqqarniisaarniarnermut atugassaanngitsut ilimatsaanneqartut politikommisær Steffen Th. Steffensen Københavnimi politiineersoq oqarpoq.

Elevatorip aqqutaani toqqortarineqartut puussianut marlunnut poortorneqarsimapput. Taakkua imaralugit aallaat eqqarasuartaat ataaseq, illuinnarsuutit pingasut, patroninut immersakkat patroninik imallit pingasut, aallaasinut nipikillisaatit marluk, qaartartuliassat 483 grammit, qaartartunik qaartitsissutit pingasut, ledningit assigiinngitsut kiisalu telefoni angallattagaq ledningitalik qaartitsissutitut atorneqarsinnaasoq.

Politiit aamma nassaaraat 336 gram heroin aamma 298 gram kokain.