Danskit kigutileriffimmi ikiortit peqqissutsimikkut sukumiisumik misissuivineqarmata paasineqarpoq, peqataasut 700-t missaanniittunit uppernarsineqarsinnaanngitsoq taakku kviksølvimik suliaqartarsimanertik ajoqutissarsiffigisimagaat.
- Kigutileriffimmi ikiortit kviksølvimik toqunartoqalersimanersut takusaqarsinnaanngilavut, professor Jens Peter Bonde, Danmarkimi nakorsaasiorfissuarmi, Dansk Selskab for Arbejds-og Miljømedicinimi siulittaasoq, oqarpoq.
Kigutileriffimmi ikiortit kviksølvimik suliaqartarnerat navianartorsiortitsinersoq pillugu DR TV-kkut siorna aallakaatitsisoqareersorlu, misissuineq aallartippoq.
- Oqarsinnaangilavut kviksølv navianaateqanngitsoq, oqarsinnaavugulli misissuiffigisatta arlaannaalluunniit navianartorsiunngitsoq, Jens Peter Bonde oqarpoq.