Nunanit suliffissuaqarfiusunit kviksølvi teqqarluni nunatsinnut annguttartoq kingunerlutsitsisarpoq. Ilisimatuut marluk misissuinerminni paasivaat meeqqat ilikkarniarnerminni ajornartorsiutigilersagaat inuiaqatigiinnut akisusaqisoq, kingusinnerusukkullu sulisinnaalersarneri killeqalersarlutik.
Nunani suliffisuaqarfiusuni U.S.Ami, Kinami, Indiami allanilu nukissiorferujussuaqartuni kviksølv annertooq maangaannaq aniatinneqartarpoq. Nunat taaneqartut mingutsitsinertik ingalassimatissinnaagaat, nunarput mingutsitsinernut soriarsinnaanngitsoq, ph.d. Michael Goodsite, Syddansk Universitetimi atorfeqartoq, ullunilu qaninnerni ilisimatusarnikkut saqqummersartumi ”Science of the Total Environment”-imi allaaserisaqarpoq.
Issittup nunataasa inissisimanitik, akoorutissallu pinngortitami pissusilersortarneri pissutigalugit issittoq akoorutissanut toqqorsivissuartut ippoq, nerisatsinnuttaaq sunniuttartoq. Inissisimanittalu allanngortikkuminaannera pissutigalugu iliuuseqartoqartarialersoq, Michael Goodside allaaserisaqarpoq.
Taama naggasiivoq ilisimatooq Michael Goodside, issittumilu kviksølvimik mingutsitsineq pillugu Namminersornerullutik Oqartussat paasissutissanik perusuppata, Michael Goodside ikiuukkumavoq.