Martin Kviesgaard. Arkivfoto.Assi: Grønlandsbanken

Kviesgaard: Isertitaqarnermit aningaasartuuteqarnerussapput

Aningaasanut inatsisissami aalisarnermit aningaasat isertinneqartut nungusarneqariaannaasut, Grønlandsbankimi pisortaq Naalakkersuisoqatigiit isumaqatigiissutaat atuareerlugu taama mianersoqqusivoq.

 - Isumaqarpunga Naalakkersuisoqatigiinnissamut isumaqatigiissutigineqartut nassuiarneqarneri ersarippallaanngitsut. Aningaasanut inatsimmi oqimaaqatigiisitsinissaq taamaallaat pinnagu aamma suliap ataqatigiissaarnissaa matumani pingaaruteqarpoq, Grønlandsbankimi pisortaq Martin Kviesgaard oqarpoq, nangillunilu:

- Isertitaqarnermit aningaasartuuteqarnerussapput, Martin Kviesgaard oqarpoq.

Aamma atuaruk Naalakkersuisooqatigiinnissamik isumaqatigiissut nutaaq atuaruk

Taassumallu maluginiarpaa Naalakkersuisut 2017-imut aningaasanut inatsimmi oqimaaqatigiisitsinissaq ukkatariniaraat.

Aamma atuaruk Kviesgaard: Sinneqartooruteqarneq isumalluutaassanngilaq

Aningaasanik oqimaaqatigiisitsineq pitsaavoq, kisianni Naalakkersuisut aningaasanut inatsimmi sinneqartoornissaq anguniagarisariaqaraat, taanna isumaqarpoq. 

Nunarpummi aalisarnikkut aningaasarsiorluarpoq. Aalisartut tulaassuilluarnerisa, aalisakkanut akigititat pitsaanerisa uuliallu akikinnerata malitsigisaannik aalisarneq aningaasarsiorluarfiuvoq.

Aamma atuaruk Naalakkersuisooqatigiinnissamut isumaqatigiissut neriorsuutinik ulikkaartoq

Ullumili atuuttut qaqutigoortuusut, pisortaq mianersoqqusivoq:

- Aalisarneq ukiuni tulliuttuni isumalluutigineqassappat tamanna ajornakusuussaaq., aalisakkanummi akigititat allanngorartuupput, Martin Kviesgaard oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat