Kuussuup ikkannera ajornartorsiortitsivoq
Kuussuit annersaasa ilaanni, Amazonip kuussuani, aallartiffia, Perup avannaata kangianiittoq, aatsat taama ikkatsigaaq.
Allattoq Jaaku Lyberth
septembarip 02-at 2010 07:42
Aallartiffik ukiuni kingullerni 40-ni aatsaat taama ikkatsigilerpoq. Kuussuup aallartiffiani angalaneq ajornartorsiortitsivoq, kuuk aqqutigalugu angalaneq sumiiffinni ataasiakkaani taamaallaat pisinnaalluni.
Amazonip kuussua 2005-imut sanilliullugu 50 centimeterinik ikkannerulersimavoq, Illoqarfiup Iquitosip eqqaani ikkannerpaalluni.
Amazonip kuuata ikkappallaalersimanera pissutaalluni Perumi sumiiffinni arlalinni aningaasarsiornikkut uippallerfiuvoq, sumiiffinnimi aalajangersimasuni umiarsuartigut angallassineq pinngitsuuinneqarsinnaanngilaq.
Umiarsualiviit arlaqartut atorneqarsinnaajunnaarput, angallatillu sumiissusersiorsinnaanerminnik ajornartorsiuteqarput, kuup ikkappallaalersimanera pissutigalugu.
