Kuussuaq Donau qaffakkiartuinnarpoq

Kuussuaq Donau qaffakkiartuinnarpoq. Europap kangiasinnerusortaani inuit ikinnerpaamik 160.000-t illullu 50.000-t qarsutsisoqarnerani eqqugaapput.

Kuussuup Donaup avalequtai Ungarnimi, Serbiami Rumæniamilu aatsaat taama qaffatsigaat. Rumæniami innuttaasut najugaqarfimminnit qimagussorneqarnissaat pilersaarutaavoq.

Kuussuaq Donau sialussuartarnerup nittaalarujussuartarnerullu kingunerisaanik qaffakkiartupiloorpoq. Balkanimi narsaaterpassuit umiarsualiviillu qarsunneqarlutik ersigunnaareerput. Bulgariami ulapungaarsimaneq sillimaffigineqarsimanngippallaaqimmat naalakkersuisut isornartorsiorneqangaatsiarput. Illuatungiliuttullu inatsisartuni naalakkersuisunit tatiginnginneraanissaat ilimagineqarpoq.

Balkanimi nunat assigiinngitsut ukioq kingulleq qarsutsisoqarnera qaangileruttoraat qarsutsisoqaqqippoq.

Rumæaniami ulluni tulliuttuni siallerujussuarnissaa aarlerisaarutigineqarpoq. Nunanilu allani qarsutseqqinnissaq ilimagineqalerpoq. Nunani assigiinngitsuni sapusiarsuit qanoq sivisutigisumik atasinnaanissaat pissanngatigineqarpoq.