Kuupik V. Kleist: Tunngaviusumik apeqqutit akissutisisariaqarpavut

Inatssiartut ippassaq ataatsimiinnerat annerusumik suliffissaaleqinersuarmut, illuatungiliuttut kisitsisaataat naapertorlugit inunnik 4.900-nik eqquisumut, tunngavgoq.

Partiit naalakkersuisuutitaqartut illua-tungiuttunilu partiit arlallit inuiaqatigiit naalliiuutaanik akiuiniarnissamut iliuusissanik siunnersuuteqarput.

Isumaqatigiinngissussuarnik tusarfiunngilaq. Naalakkersuisut inassutigaat, siunersuutit marluutillugit taperserneqassasut.

Kisainni 174,2 millionit koruunit oqallissutaapallalerput.

Siumummi kissaatigaa, Sanaartornermut Iluarsaassisarnermullu aningaasaateqarfimmiit aningaasanik nuussisoqassasoq:

- Ilaatigut tupigineqarsinnaasumik nunatsinni aningaasaateqarpoq, Sanaartornermut Iluarsartuussinermullu aningaasaateqarfik 1,4 milliardinik imalik, taamaakkaluartoq nunatsinni suliffissaaleqisoqarpoq 4.500 missaanik amerlassuslinnik, taanna imminut ataqatigiinngilaq. Siumumeersoq Karl Lyberth taama oqarpoq.

Tassalu Sanaartornermut Iluarsaassisarnermullu aningaasaateqarfimiit 174,2 millionint koruuninik tigusilluni suliffissaaleqinermik akiuinermut aningaasaliisoqasssaoq, Naalakkersuisut aningaasaqarnermut ataatsimiititaliamut qinnuteqarnialersaarput.

Kisianni taamaaliortoqarsinaangitsoq, Inuit Ataqatigiinneersoq Kuupik V. Kleist tikkuaavoq.

Tassami aninagasat tassaniittut suliassanut aalajangersimaqqinnaartunut Inatsisartunit anigaasaliissutaapput.
Nalakkersuisullu kissaateqarunik aningaassanik Sanaartornermut Iluarsaassisarnermullu aningaasaateqarfimeersunik siunertanut allanut atuisoqassasoq, taava Inatsisartut tamanna isummerfigeqqaartariaqarpaat.

- Suminngaanneerpat taakkua aningaasat? Suunukua sanaartugassatut pilersaarutigineqarsimasut taamaatinneqassasut? Taavalu illuatungaani suunukua nutaat pilersaarutigineqartut? Suni nunaqarfinni sumi illoqarfimmi? Suliffiit qanoq ittut pilersinneqassappat? Inatsisartut pisariaqartippaat oqaluttuunneqarnissartik aningaasat qanoq atorniarneqarnersut, taava tassanngaanniit ingerlariaqqissinnaavugut aatsaat. Suliffisasaleqineq pillugu oqllinermi Inuit ataqatigiit oqaaseqartuat, Kuupik V. Kleist, taama oqarpoq.

Sanaartornermut Iluarsaassisarnermullu aningaasaateqarfimmili aningaasanik tigusilluni suliffissaaleqinersuaq, illua-tungiliuttut kisitsisaataat naapertorlugit 4.900-inik eqquisoq, akiorniarneqassasoq, Siumut isumaqartuarsinarpoq.

Karl Lyberth-illi taama iliornissamut Naalakkersuisut aningaasaqarnermut ataatsimiititaliamut qinnuteqaataanik aamma takuasaqarsimagunanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat