Kuupik: Silaannaap pissusiata allanngoriartornera iluaqutigisinnaavarput
Silaannaap pissusiata allanngoriartornera iluaqutigisinnaagipput naalakkersuisut siulittaasuata Kuupik Kleist ammaalluni oqalugiaammini ilaatigut oqaatigaa.
Allattoq Louise M. Kleemann
Silaannaap pissusiata allanngoriartornerata kujataani savaatillit naatitsiniarnermikkut iluaqusersuutigisalereerpaat, tamannalu naalakkersuisut nuannaarutigigaat Kuupik Kleist oqarpoq.
- Issittumi suleqatigiinnermi akuunitsinni pingaartittuarsinnarpagut silap pissusiata allanngoriartornerata pinngortitamut avatangiisinullu sunniutaasa aammalu annertusiartortumik umiartornerup avatangiisinut sunniutaasa qanimut malinnaaffigineqarnissaat, Kuupik Kleist oqalugiaammini ilaatigut oqarpoq.