Kuupik: Qalluinermit isertitat utaqqinagit namminersorneq atuutilissaaq
- Namminersorneq pillugu ataatsimiititaliarsuarmi Kalaallit Nunaanni aningaasarsiornikkut siunissami qanoq ingerlanissaanik naatsorsuinitsinni ullumikkut pissutsinik aallaveqarpugut, Kuupik Kleist oqarpoq.
- Namminersorneq pillugu ataatsimiititaliarsuarmi naatsorsuinitsinni uuliamik aatsitassanillu isertitsissutaajumaartussat, tassaapput Kalaallit Nunaanni aningaasarsiornermi isertitsissutaasussat saniatigut iluaqutaasussaat, Kuupik Kleist oqarpoq.
- Imaanngilaq uuliamik annertoorujussuarmik qalluisoqalerpat imaluunniit diamantinik annertoorujussuarmik nassaartoqarpat aatsaat namminersulissasugut ! ” Kuupik Klest oqarpoq.
- Namminersorneq pillugu paasitsiniaaneq nunamut tulluni ingerlanneqartariaqarpoq, sinnattulikkersaaruterujussuarnik oqaluppallaarata kisiannili pissutsinik piviusunik aallaaveqarluni ingerlanneqassaaq, Kuupik Kleist oqarpoq.
- Namminersulernissamut akissaqarnersoq apeqqutaassaaq kisiannili akissaqarusukkaanni akissaqartoqassaaq, akissaqarusunngikkaanni taava akissaqartoqassanngilaq, naalakkersuinikkut piumassuseq apeqqutaavoq !
Namminersorneq pillugu ataatsimiititaliarsuarmi ilaasortaq Inuit Ataqatigiit siulittaasuat Kuupik Kleist taama oqarpoq.