Kuupik nuannaarutiginnillunilu tupaallappoq

Nunat inoqqaavisa nunaminnik aqutsinissamut atuinissamullu pisinnaatitaaffii aammalu oqaatsiminnik kulturiminnillu ingerlatsisinnaanermut pisinnaatitaaffii USA-p præsidentianit Barack Obamamit ippassaani taperserneqarput.

Kuupik Kleist siornatigut nunat inoqqaavisa pisinnaatitaaffii pillugit FN-imi isumaqatigiinniarnerni peqataasareerpoq:

- Isumaqarpunga taamatut nalunaaruteqarneq pingaarutilerujussuusoq. Nunap inoqqaavisa pisinnaatitaaffiisa FN-imi isumaqatiginniutigineqarnerat ukiorpassuarni ingerlavoq. Illuatungiliuttullu sakkortunersaat tassaasimavoq USA. Aammalu FN-imi amerlanerussuteqartut pisinnaatitaaffiit taakkua atuutilernissaannut aalajangiisoqarmat USA peqataanngilaq. Massakkullu ukiualuit ingerlareerneranni USA-milu qinersisoqareernerata kingorna taamatut nalunaaruteqarneq soorunalimi maluginiagassaavoq, USA-miinnaq pinnani, kisiannili nunarsuarmioqatigiit akornanni malugineqartussaavoq, Kuupik Kleist oqarpoq.

i>Barack Obamap taamaaliornera qanoq isumaqarfigaajuk?<

- Massakkut neriuutigineqarsinnaanngortoq unaavoq pisinnaatitaaffimmikkut erseqqinnerusumik inississinnaalissasut aammalu nammineq nunagisaminni pisuussutinik atuisinnaanermut iluaquteqarsinnaanermullu pisinnaatitaaffimmikkut illersorneqarnissaat ilimanarsivoq, Kuupik Kleist oqarpoq.