Kuupik Kleistip eqqaaniutaa

Jonathan Motzfeldt toquvoq

Namminersornerulernerup ataataa Jonathan Motzfeldt eqqissilluni toquvoq.

Inuiaat kalaallit ukiorpassuarni siulersorterput Dronning Ingridip Napparsimavissuani, Nuummiittumi, sivisuumik napparsimareerluni ullumi anerningerpoq.

Junnuk tamatta ilisarisimavarput inuk piginnaanertuutut, silappaarissutut inuppalaartutullu. Junnuk ukiorpassuarni tassaasimavoq inuiaat kalaallit ajaappiaralugulu naneruaat, ataatsimut katersuuffipput. Ukiuni nutaanerpaani kalaallit akornanni inummik allamik nuimanerusoqarsimanngilaq, Junnummik.

Nunatsinnut ernerulluartoq mikinngitsumik qutsavissaqarfigaarput, inuk anersaakkut politikkikkullu malunnaateqarluinnartoq.

Jonathan Motzfeldt ataqqinaammik saqqarmioqarpoq ikinngitsunik, Nunatsinni nunanilu allani. Nunani allani aamma ilisarisimaneqarluarpoq ikinnguterpassuaqarlunilu.

Jonathan Motzfeldt 72-inik ukioqalerpoq. Qimatarai nulii qitornanilu.

Jonathan Motzfeldtip eqqaaneqarnera ataqqinartuuli.

Kuupik Kleist, Naalakkersuisut siulittaasuat/i>