Kuupik Kleist: Suleqatigiinnissaq naliliiffigissallugu siusippallaaqaaq

Inatsisartunut qinersisoqareerneratigut Demokraatit naalakkersuisooqatigiinnissamik neqeroorutaat, Inuit Ataqatigiinnit nalorninartoqartinneqarpoq. Siulittaasoq Kuupik Kleist isumaqarpoq neqeroorut naliliiffigissallugu siusippallaartoq.
Allattoq Lotte Holm
januaarip 09-at 2009 12:01

- Qinersinissamut atatillugu kikkut qanorlu inissikkumaarnersut eqqartuleriissallugit siusippallaarpoq, Kuupik Kleist oqarpoq.

Demokraatit siulittasuat Jens B. Frederiksen isumaqarpoq Inuit Ataqatigiinnik suleqateqarneq politikikkut naammasisassanik amerlasuunik angusaqarfiussasoq.

- Anguniakkat eqqarsaatigalugit suleqatigiittoqarsinnaanera nutaarsiassaanngilaq. Uani apeqqutaanerulissaaq Inuit Ataqatigiit Demokraatillu amerlanerussuteqassanersut, Kuupik Kleist oqarpoq nangillunilu:

- Naalakkersuinikkut suleqatigiinniaannarluni imaluunniit pissaaneqarniaannarluni suleqatigiinnissaq isumaqatigiissummik tunngaveqanngippat pisariaqanngitsoq, Kuupik Kleist oqarpoq.