-Qisuariarfigerusuppallaanngilara, isumaqarpunga Dansk Folkepartiip isumai nalunngisavut ersialaarneri, tusagassiorfitsigullu oqallisigineqarneri, naammattut, taamaammat uanga Dansk Folkepartiip isumai pillugit tusagassiorfitsigut oqallinnerni peqataaqqinnissara naatsorsuutiginngilara, Kuupik Kleist oqarpoq, nangillunilu:
-Isumalioqatigiissitarsuup suliani naammassiliivippaa, massakkullu naammassiniartariaqarparput, taavalu oqallisigeqqinnissaannut kingornatigut aamma periarfissaqarpoq, taamaammat naammassiliivinnitsinni Dansk Folkepartiip allatut isummertitsiniaanera massakkut annertunerusumik oqaaseqarfiginianngilara, Kuupik Kleist naggasiivoq.