Kuupik Kleist: Nunaqarfiit pillugit erseqqissumik politikkeqalerli
Siusinaarluni aammalu piffissaagallartillugu pissuttit allanngoriartornerannik ilisimatitsineqartariaqarpoq aammalu aaqqiissutaasinnaasunik periarfissanik aqqutissanillu tikkuussilluni taamaaliunngikkaanni aarlerineq nalorninersuarlu atuutissapput taava taamaalillunilu pissutsinik naammaginninnginneq annertusiartuinnassalluni soorlu ulluni makkunani takugipput.
Nunatsinni aalisarnermi taakkutoqqat inuuniutigisuarneri allanngortinneqarsinnaasut Kuupik Kleist aamma isumaqarpoq:
- Pinngortitaminngaaneersut inuussutissarsiornerit isumaqarpunga periarfissaqarluartut allatigut soorlu pinngortitap nukiinik atuilluarnikkut aammalu uumasut allat pingaartumik nunatsinni tunisaasinnaasut eqqarsaatigalugit nerisassanullu eqqussukkatsinnut illuatungiliussinnaasut taakkua aallunnerusariaqarpagut.
- Nerisassanut avataaneersunut aningaasanik annissuerujussuarnitta qanoq nunatta iluani iluaqutigilersinnaanissaa anguniarneqartariaqartoq aamma Kuupik Kleist oqarpoq.
Ilinniartitseqqinnermullu atatillugu inuit 50-it sinnerlugilluunniit ukioqalereeraluartut ingerlariaqqinnissaminnut pikkorissaqqinnissamullu piumassuseqartut ingerlariaqqinnissaannut aqqutissiuussinissaq anguniartariaqartoq Kuupik Kleist isumaqarpoq.
