Kuupik Kleist: Nalilersuisoqartariaqarpoq

Inuit Ataqatigiit siulittaasuata Kuupik Kleistip akit assigiikkunnaarnerisa kingorna nalilersuisoqarnissaa kissaatigaa. Naalakkersuisut siulittaasuata Hans Enoksenip Siumumi siulittaaasutut qineqqusaarnermini akit assigiikkunnaarnerisa kingorna nalilersuisoqarnissaa pisariaqartippaa.
januaarip 25-at 2008 05:23

-Akit assigiikkunnaarnissat Hans Enoksenip siuttuuffiginikuuvaa, naalakkersuisut siulittasuattut, aamma eqqaamaneqartariaqarpoq, akit assigiikkunaarnerisigut inuit amerlanerpaat iluaquserneqarmata, IA-p siulittaasua Kuupik Kleist oqarpoq. Eqqaamaneqartariaqarpoq innuttaasut 15-20 procentit missaanniittut, pingaartumik isorliunerusuniittut, akitigut qaffaaffigineqarsimasut, arlaatigut iliuuseqarfigineqarnissaat Inuit Ataqatgiit piareersimaffigimmassuk, Kuupik Kleist oqarpoq.

Akit assigiikkunnaarnerisigut aaqqiissutissanik siunnersuuteqartoqarnissaa Inuit Ataqatigiinnit tikilluaqquneqarpoq.

Inatsisartut tamarmiullutik isumaqatigiinnikuupput akit assigiikkunnaarnerisa kingorna nalilersuisoqarnissaa, taamatullu Siumumiit naalakkersuisuiniillu aamma akit assigiikkunnaanerisa kingorna nalilersuisoqaqqinnissaa, mannalu tikillugu siunnersuutinik takkuttoqarsimanngilaq. Akit assigiikkunaarnerisa kingorna eqquinerluisimappat qanoq iliuuseqarfigineqarissaannut Inuit Ataqatigiit piareersimapput, Kuupik Kleist oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq