Kuupik Kleist: Naalakkersuisut illunut akiliutigisartagaat allanngorartinneqarsinnaanngorput

Naalakkersuisut illunut akiliutigisartagaat qaffanneqalerput. Tamanna Inatsisartunut naalakkersuisunullu ilaasortat akissarsiaat pillugit inatsimmik allannguinermik tunuliaquteqarpoq.
Allattoq Mads Lynge
novembarip 24-at 2009 10:32

Inatsisip pineqartup allanngortinneqarnissaa pillugu siunnersuusiortoqarnissaa, naalakkersuisut aasarli aalajangiutereersimagaat, naalakkersuisut siulittaasuata Kuupik Kleistip oqaatigaa:

- Inatsisartut ukiaanerani ataatsimiinneranni angumerisinnaasimanngilarput, allannguutissallu upernaaru pisinaanissaat naatsorsuutigaarput. Inatsilli toqqammaviusoq allanngortinneqanngikkaluartorluunniit illunut akiliutigineqartartut qaffanneqarnissaat, naalakkersuisut aalajangiuppaat, Kuupik Kleist oqarpoq.

Akit illunut akiliutigineqartartut allanngorarnerat matumani malinnaavigineqarnissaat siunertaavoq.

Illunut akiliutigineqartartut nalinginnaasut ukiortaamiit 51 procentinik qaffanneqarnissaat qangali aalajangiunneqareerpoq, naalakkersuisulli akiliutigisartagaat maanna aatsaat qaffanniarneqalerput, sooruna?

- Akiliutigineqartartunut tunngatillugu ukiorparujussuarni allannguisoqarsimanngitsoq paasivarput. Naalakkersuisut akiliutigisartagaat ukiorpassuarni uninngasimapput, nutaarsiassarlu tassaavoq allannguisoqalersoq. Naalakkersuisut illunut akiliutigisartagaat taamaasillutik allanngorartinneqarsinnaanngorput, naalakkersuisut siulittaasuat Kuupik Kleist oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq