Kuupik Kleist misissuisoqarnissaanut tapersiivoq

IA sinnerlugu Folketingimut ilaasortap Kuupik Kleistip misissuinissaq unnersuussutigaa. Folketingimi ammaanersiorluni ullumi oqallinnermi tamannarpiaq nammineq qaqippaa. Avanersuarmiut ilumut qinngornernik navianartunik eqqorneqarsimasut nalunaarusiami uppernarsineqarmat Kuupik Kleist qisuariarpoq ima oqarluni:

- Nutaarsiassaasartorpassuit akornanni nuanninngitsuni soorlu nutaamik saqqummersoqaannartoq, unali pineqartoq Pituffimmi pisimasut pillugit ukiorpaalussuarni qitiulluinnarsimavoq,’ 68-ip kingorna Avanersuarmiut ilaat danskillu sulisartuusimasut napparsimalertarsimanerminnut patsisigisaat, tassa qinngornernik navianartunik qinngorfigitissimanertik, massakkut uppernarsarneqarsinnaasutut isikkoqalerpoq, taannalu nutaarsiassaavoq annertooq.

Folketingip nunatsinnut ataatsimiititaliaani sammineqartariaqartoq Kuupik Kleist oqarpoq, taamaattoqareerpallu takussagitsik Folketingi qanoq iliuuseqarsinnaanersoq, saliinissamilli piumasaq suli sakkortunerusariaqartoq kinguarsaannarneqarsinnaanngitsorlu, Kuupik Kleistip qalleqqissaatigaa.