Kuupik Kleist: Millionilikkaanik naleqaratarsinnaavoq
Inatsisartut ataatsimeeqqammerneranni sulianut ilungersunarnerpaanut ilaasoq, Kuupik Kleistip ilaatigut oqaatigaa.
Millionilikkaanik naleqaratarsinnaanera aamma oqaatigineqarluni.
Sullivinnik Nakkutilliisoqarfiup Namminersorlutik Oqartussanut peqqussutaa, allagaatinik takunnissinnaatitaaneq aqqutigalugu Radioaviisip pissarsiaraa, Namminersorlutillu Oqartussat allaffeqarfianni takussaasumik takussaanngitsumillu oqoqartoq uppernarsineqarpoq.
Politikerit sulisullu Namminersorlutik Oqartussat allaffeqarfianni sulinnginnissaannik Sullivinnik Nakkutilliisoqarfik inassuteqaateqarpoq, Inatsisartullu upernaakkut ataatsimiinnerat Kommuneqarfik Sermersuumi kommunalbestyrelsip ataatsimiittarfianni nanginneqarluni.
Allaffissornikkulli sullissineq aamma eqqorneqarpoq, sulisut Nuummi allaffinnut allanut ilaatigut nuuttariaqarsimammata, ilaallu angerlarsimaffimminniit sulisariaqalersimallutik.
Taamatulli aaqqissuussineq Nunatta karsianut aningaasatigut qanoq naleqassanersoq suli ilisimaneqanngilaq.
Illup qaliata ataani oqoqarsinnaaneranik pasitsaassisoqarmat Sullivinnik Nakkutilliisoqarfimmut saaffiginnittoqartoq, Daniel Gottrup, Namminersorlutik Oqartussani sulisunik aallussivimmeersoq oqarpoq.
Sullivinnik Nakkutiilliisut Namminersorlutik Oqartussat allaffeqarfiinik apriilip ulluisa sisamaanni naliliipput, sulisullu politikerillu allamut nuuttariaqassasut, Anders Christiansenip, Sullivinnik Nakkutilliisuneersup taamanikkut inassutigaa.
Namminersorlutik Oqartussat allaffeqarfianni siornatigut misissuisoqareersimasoq, Anders Christiansenip ilisimanerarpaa, oqoqarneranilli taamanikkut takussutissaqarsimanngilaq.