Kuupik Kleist: Ilimagisagut eqquupput
Kommunemut qinersinermi Inuit Ataqatigiit qinigassanngortitaat qinersivimmi Kangia Kitaani qinerneqarnerpaapput,
Allattoq Jaaku Lyberth
Kangia-Kitaani qinersisartut 2.536-it IAp qinigassanngortitaannik qinersigamik. Partiip siulittaasua Kuupik Kleist nuannaarpoq, qinerneqarluarnissartillu ilimagereersimavaa.
”Soorunalumi nuannaajallarnarpoq, kisiannimi ilumoorluna oqassaguma ilimagisagut qinersinerup kingorna eqquuttut, pissutsit allanngoriartornerat erseqqissiartuinnarnikuuvoq ukiuni kingullerni, massakkullu qinersinermi uani takutinneqarpoq, ilimagisagut eqquuttut”
Inuit Ataqatigiit siulitaasuat Kuupik Kleist kommunimut qinersineq unnuaq naammassineqarmat, taamatut oqarpoq.