Kuupik Kleist: EU-mut ilaasortanngoqqissanngilagut

Nunarput EU-mut ilaasortanngoqqissanngitsoq, Naalakkersuisut siulittaasuata, Kuupik Kleistip, tusagassiortunik ippassaaq katersortitsinermini erseqqissarpaa.
Allattoq Jens Thorin
septembarip 22-at 2009 15:13

Nunatta EU-mut ilaasortanngornissaanut pitsaaqutit ajoqutillu misissorneqarnissaatm Demokraatit Inatsisartuni ilaasortaatitaanit Niels Thomsenimit siunnersuutigineqarpoq.

Tamanna pillugu Kuupik Kleist oqarpoq, Inuit Ataqatigiit EU-mut isumaat allanngunngitsoq, misissuinissamilli isuma ajoriffissaqartinnagu.

- Apeqqut taanna qineqqusaarnerup nalaani aamma oqallisigivarput. Taamani oqarpugut qulaajaanerit suulluunnit iluaqutaasinnaappata tikilluaqqunartut. Kisianni ullumikkut oqaaserisinnaasara taanna kisiuvoq, Kuupik Kleist oqarpoq.

Danmark EF-imut 1972-imi ilaasortanngormat, Nunarput aamma ilaasortanngorpoq, naak taasinermi nunatsinni amerlanerussuteqarluartut naaggaaraluartut.

Partiit arlallit, taakkungunna ilaalluni Inuit Ataqatigiit, EF-imit aninissaq sorsuutigereeraallu Nunatsinni qinersisartut 1982-mi apereqinneqarmata, amerlanerussuteqarluartut aninissamik taasipput. Tassalu Nunarput EF-imiit 1985-imi ilaasortaajunnaarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq