Kuupik Kleist: Danmark naalagaaffiuvoq arfanniartartoq

Danmarkip naalagaaffia nunatut arfanniarfiusartutut imminut nassuerutigineerujartortoq, Folketingimi ilaasortaq, Inuit ataqatigiinneersoq Kuupik Kleist oqarpoq.

- Siullermik isumaqarpunga Naalagaaffeqatigiit sinnerlugit aallartitaasunut pisussaaffigitinneqartut ukioq manna pitsaasuusut. Arfanniartarnermi killilimmik aningaasarsiutigalugu piniartoqartalernissaa illersorneqarluni folketingimit aallartitaqartussaavugut, folketing-imi ilaasortaq Kuupik Kleist, Inuit Ataqatigiinneersoq oqarpoq nangillunilu:- Qujanartumik paasiartorneqalerpoq killilimmik arfannniartarnissaq piviusunngussappat, arfanniartarnerup nakkutigineqarnera pitsaanerulissammat. Aamma paasinarpoq piujuaannartitsinissamut atatillugu arfanniartarnissaq paasiartorneqalermat, illersuisullu amerliartorlutik. Akerlianik arfanniaqqusinngitsut tunuariartuaalernerat malunnarsiartorpoq, Kuupik Kleist oqarpoq.

Danmarkip naalagaaffia arfanniartartut naalagaaffiattut pisussaaffeqarnerusariaqartoq Kuupik Kleist isumaqarpoq.

- Danmarkip Naalagaaffia arfanniartartut naalagaaffiattut pisussaaffeqarnerulluni arfanniartarnerup misissuiffigineqarnerunissaa peqataaffiginerusariaqarpaa, arferimmi pillugit misissuisarnerit akisuujupput, Kalaallillu Nunaata kisimiilluni misissuinissaq akissaqartinngilaa, Kuupik Kleist naggasiivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat