Kuupik Kleist allakkanik ammasunik allaffigineqarpoq

KANUKOKA-p siulittaasua Enok Sandgreen Naalakkersuisut siulittaasuannut Kuupik Kleistimut ammasumik allagaqaateqarpoq, suliassaqarfinnik kommuninut nuussinissap piareersarneqarnerata ingerlaqqinnissaa pillugu, pisortat suliassaqarfiisa aaqqissuussaanerannik iluarsaqqiinermut tamarmut atatillugu Kuupik Kleist ataatsimeeqatiserineqarluni.
Allattoq Mads Lynge
marsip 17-at 2010 16:55

- Iluarsaqqiinermi pineqartoq tassaaginnanngilaq kommunit kattunnerat, aammali pineqarluni Namminersorlutik Oqartussat ingerlatanik suliassanillu siunertamut naapertuuttumik kommuninut tunniussuissasut, Enok Sandgreen allappoq.

Ulloq unnuarlu paaqqinnittarfiit Namminersorlutik Oqartussaniiginnarallarnissaannik Naalakkersuisut aalajangersimanerat, kiisalu Piareersarfiit EU-mik isumaqatigiissut pissutigalugu kommuninut tunniunneqassannginnerannik nalunaarut, Enok Sandgreenip allagaqaammi innersuussutigaa.

Pisortat suliassaqarfiisa aaqqissuussaanerannik iluarsaqqiineq innuttaasut pillugit kommunit Namminersorlutillu Oqartussat ataatsimoorlutik isumagissarigaat, Enok Sandgreenip aamma erseqqissaatigaa:

- Taamaammat pingaaruteqartorujussuuvoq suleriaqqinnissami tunngavissat siunertallu erseqqissarneqarnissaat, KANUKOKA allappoq, KANUKOKA-llu Naalakkersuisullu apriilip 24-ani ataatsimiinnissaat siunnersuutigalugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq