Kuupik Kleist: Ajornartorsiutit siulitta pilersitaat akisussaassutut suliarissavagut

Uummannap Upernaviullu eqqaani qaleralinniarnerup unitsinneqarnera oqallisigineqartoq, Kuupik Kleistip tusagassiortunik marlunngornikkut katersortitsinermini oqaaseqarfigaa. Erseqqissarpaalu, Naalakkersuisut siuliisa aalisagartassiissutaat nungummata, suliassaq taanna maanna naalakkersuisuusut aallukkaat.

- Illuatungiliuttuni oqaasinnaajulersimavoq, "Naalakkersuisut Uummannap Upernaviullu eqqaanni aalisarneq unitsikkaat". Kisianni erseqqisaassutigerusuppara, aalisagartassiissutin-uku nunguttut. Aamma aalisagartassiissutit ukioq manna aatsaat taama qaffasitsigisimapput, taamaattumik aalisarneq ingerlalluarsimavoq, aningaasarsiornerlu aamma taamatut, Kuupik Kleist oqarpoq.

Taassumalu nuannaarutigaa, Uummannap Upernaviullu eqqaani qaleraleqarfinni aalisaatikunik allanillu immap naqqaniik piianissaq pillugu Aalisarnermut Naalakkersuisoq, Ane Hansen avannaanilu tunitsivinnik ingerlatsisut isumaqatigiissuteqarsimammata. Atortukummi qaleraleqassutimut ajoqutaalersinnapput, iluarisimaaqaalu saliinissamut kikkut tamarmik tapersersuimmata. Saliineq iluatsitumik naammassippat, qaleralittassat amerlineqarsinnaaneri Naalakkersuisut eqqarsaatigeqqissagaat, oqarpoq.

Avannaani aalisarneq pillugu Kuupik Kleist oqarpoq, Naalakkerrsuisut siulimik umiarsualiisarsimanerat, nunami tunisassiornermut sunniuteqartoq.

- Ajornartorsiutinnguussimasut soorunami arlaatigut aaqqiiffiginiassallugit uagut akisussaaffigaarput. Kisianni imaanngilaq nutaanik Naalakkersuisoqalermat, ajornartorsiutit takkussimasut, Kuupik Kleist oqarpoq.