Kuupik: Juullimi pinnersaatit piiarneqarput
Naalakkersuisut siulittaasuat Aleqa Hammond, Naalakkersuisut atuunneranni sivikitsumi aappassaanneerluni ippassaq allanngortiterivoq.
Matumuuna Karl Lyberth, Siumut tatineqarnerujussuarmi kingorna, aalisarnermut, piniarnermut nunalerinermullu Nalakkersuisutut tunuarniarluni aalajangerpoq.
Taanna Siumumeersumit Finn Karlsenimit taarserneqarpoq.
Naalakkersuisut iliuusaat pillugit, illuatungiliuttut Inuit Ataqatigiit siulittaasuat Kuupik V. Kleist ileqimisaartuinnarpoq.
Tusagassiortunik ippassaq katersortitsisoqareersoq, Kuupik V. Kleist taama oqarpoq.
Aleqa Hammondilli maanna taama iliuuseqarnermigut aalajaannerusumik ingerlatsilernissaa qularnartoqartippaa.
Kuupik V. Kleistip qularpaluttumik oqaaseqarnini, Naalakkersuisuni ilaasortanngortumut tatiginninnginnerminik patsiseqarnerarpaa.
Kuupik V. Kleist taama oqarpoq, taassuma Royal Greenland 2009-mi akiliisinnaajunnaassanngikkuni piaartumik milliardit koruunit affaannik aningaasaliiffigineqartariaqalernera innersuussutigaa. Taamalu pisoqarnera taamani aalisarnermut Naalakkersuisumit Finn Karlsenimit ilisimaneqarsimanngilaq.