Kuupik: Inuunerit erlinnartuuvoq

Naalakkersuisut siulittaasuata ukiortaami oqalugiarnermini ilaatigut eqqaavai, uuliasiornerit, ilinniartitaaneq aamma piniartut aalisartullu siunissaat. Kuupik Kleistilli anikkusutai pingaanerit tassaapput, inuttut paaseqatigiissinnaaneq aamma asanninneq.

- Immitsinnut pisariaqartsinnerput inuppalaartumillu qanilaartumik pineqarnissamik paasineqarnissamillu tamatta pisariaqartitsinerput ukiortaami oqalugiaatinni matumani iluunngarlunga apuukkusuppara. Illit inuunerit aamma uannut erlinnartuuvoq.

Nunatta naalakkersuinikkut siuttuata, Kuupik Kleist-ip ukiortaami oqalugiaatini ilaatigut taama ilavai, aammalu oqarluni inuuneq artornaleraagat inoqarmat ikiuukkusuttunik:

- Aliatsannaqisumillu inuit ilannguinut inuunermik kipititsinissamik aalajangernermik kinguneqartarpoq, tamannalu inupparujussuarnut inuiaqatigiinnullu tarnikkut tamatigut sakkortuumik sunniuttarluni. Eqqaamassavarpulli tamatta ilaqutaqaratta, ikinnguteqaratta, angajoqqaaqarlutalu qatannguteqaratta, asaseqaratta ikinnguteqarlutalu uagutsinnik pisariaqartitsisunik erliginnittunillu, artorsaateqarnitsinnilu uagutsinnut ikiuerusuttunik.

Kuupik Kleist ukiortaami oqalugiaammini ilaatigut taama oqarpoq.