Kuummiuni aalisarneq unittuuissutut nalilerneqarpoq

Tasiilap nunaqarfiisa ilaanni Kuummiuni aalisarneq massakkut uninngasutut oqaatigineqarsinnaavoq. Kuummiuni Arctic Green Food-imi pisortaagallartoq Aqqalu Uitsalikitseq radioavisiimut oqarpoq, tunitsivimmi sulisut massakkut marluinnaasut aammalu qaleralinnik saarullinnilluunniit ulluni makkunani tuni-sisoqarneq ajuissoq. Ulapinnerup nalaani sulisut arfinillit missaanniittarlutik.

Qerititsivimmi uninngasuutigineqarput qalerallit iluitsuutillugit qerititat 2,8 tonsit missaat, tisaat 55 kiilut. Qeeqqat iluitsuutillugit qerisut 271 kiilut, tisaat 78 kii-lut kiisalu saarulliit tisaat siornalitsat 20 kg.

Ammassat neqitassatut pigineqartut annertunerpaajullutik 4,5 tonsit missaanniipput.

- Tunisisoqarluaraangat soorlu qalerallit ullormut 3 tonsit missaat tunineqartarput, Aqqalu Uitsalikitseq oqarpoq.

Kuummiuni aalisartoqarpallaannginnera Pilersuisup soorunami malugisinnaagaa Niuertup Otto Umeerinniip radiaviisimut oqaatigaa. Ukiulli imaalinerani isertitamikkut ajorpallaannginnerarpaa, tassa puisit amii massattut tunineqartarnerat iluaqutigineqarmat. Qanorli, soorlu juulimi isertitaqarsimanerlutik oqaatigisinnaannginnerarpaa.

Aggustip naajartornerani Sermiligaami qaleralinniarneq ingerlalluaqqilerpat inuit aningaasaqarnerulernissaat malunniuteqqissasoq ilimanarpoq, Otto Umeerinneq radioaviisimut oqarpoq.

Kuummiuni umiatsiaararsorluni aalisartut amerlanerupput. Kuummiut ullumi 400 sinnilaarlugit inoqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat