Kuummiormiut nuannaarput
Aappilattormiut Upernaviup eqqaamiut 1 kr 41 oorinik akiliinerulissasut ippassaq tusarliupparput. Kuummiormiulli nuannaarput:
- Isorliunerusormiuulluni tusagaq nuannerpoq 1 kr 71 oorinik akiliinikinnerulissagatta, Boas Boassen nuannaarluni oqarpoq.
Aamma nuannaarutigaa sulisinnaajunnaarnersiutillit utoqqalinersianillu allat tigusisartut akiliinikinnerulissammata.
Ilaqutariit Boasseninikkut akiliinikinneruneq malugisussanngorpaat:
- Affaa sinnerlugu akiliinikinnerulissaagut. Angilaartumik illoqarpugut kallerup innitortunik arlalinnik atortulimmik. Imeq ilanngullugu akiligaangatta qaammammut 1000 koruuneertarpugut, Boas Boassen oqarpoq.
Naalakkersuisut siulittaasuata Hans Enoksenip Siumumut siulittaasutut qineqqusaarnermini qineqqusaarutigaa assigiimmik akeqartitsinerup atorunnaarsinneqarnera isorliunerusunut nunaqarfinnullu pitsaanngimmat, assigiimmik akeqartitsinerup atuutileqqinnissaa anguniarniarini. Tamanna pillugu Boas Boassen oqarpoq:
- Hans Enoksen isumaqatigisinnaavara, kisianni maannakkut 1 kr 71 oorinik akiliisalernerput allanngortinneqassanngippat, ilinniartitsisoq soraarneq Boas Boassen Kuummiuneersoq oqarpoq. Kuummiut 320-it missaanik inoqarpoq.
