Kuultisiorfik Nalunaq ammaqqingajalerpoq
Kalaallit Nunaanni Aatsitassat Ikummatissallu pillugit Siunnersuisoqatigiit isumaqarput, Namminersorlutik Oqartussat danskillu naalagaaffiat Tuluit aatsitassarsioqatigiiffiup, Angus & Rossip Nalunami kuultisiorsinnaanissamut qinnuteqaataa akuersaassagaat, AG-mi allappoq.
Inuussutissarsiutinut siunnersortip Bruno Josefsenip oqaatigaa, Nanortalimmiut 50-it atorfinitsitsinissamut atatillugu oqaloqatigineqareersimasut.
Inuit arfineq-marluk qulillu akornanni januaarip aallaqqaataani Nalunami kuultisiorfimmi sulilernissaat taamatullu aamma februaarimi marsimilu pilersaarutaavoq.
Kuultisiorfiup januaarip februaarilluunniit ingerlanerani ammarsinnaanissaa, Bruno Josefsenip naatsorsuutigaa.