Kuultip akia aatsaat taama qaffatsigaaq
apriilip 06-at 2006 18:02
Kuultip akia ukiuni 25-ini aatsaat taama qaffatsigaaq; 28 grammi 3600 koruuninik ullumikkut naleqarpoq.
Kuultip akia 20 procenti angullugu ukioq kingulleq qaffappoq, ukioq mannalu akia taama qaffasitsigiinnangajappoq.
Aningaasanik nalilinnik nioqquteqarnermi kuulti toqqarsimagaanni iluanaarnarpoq. Uuliap akiata qaffariarnerujussuata, aningaasallu naleerukkiartornissaanik annilaanganeq, aningaasaliisartut kuultip akianik qaffariartitsipput.
