Qallunaat arnartaasa assammik arsartartut novemberip 25-ianiit 30-ianut nunatsinni angalanissaani angalaqataasinnaangitsut marluk ugguarput.
OL-imi guldtinnannikut nunatsiniinissaani Ikast-imi assammik arsartartut Kristine Andersen, aamma Line Daugård angalaqataasinnaajunnaarsimapput, klubiat Ikast Bording pissartat unammisaqattaarneranni peqataanissaanut sungiusartussaagamik.
-Angalaqataasinnaanginnerput uggornaqaaq, pinngortitarmi misigisaqarfigigusukkaluaqaara, Kristine Andersen danskit nutaarsiassaqartitsiviisa ilaanut oqarpoq. Tupigusuutiginngilaalu sungiusarnissaq pissutigalugu angerlarsimaanartariaqassagami.
Unammisartoq alla Mette Vestergård, Ol-ereernerup kingorna unamisartuujunnaaraluarluni angalaqataasasoq klubiata FCK-p akuerisimagaa ilanngullugu tusarliunneqarpoq.