Kuultimik nunatsinneersumik iluatsitsivoq
Piginnittuulersoq nuannaaqisoq guldbarremik Nalunaq Goldmine-imeersumik nassarluni KNR-imut ullumi iserpoq, tassa guldbariutiminik - sukkulaataanngitsumik pinnersaasiassamilli aningaaserivimmut toqqorsiartunnginnermini takutikkiartorlugu.
Kuultiutaa Nalunameersuuvoq, 2009-mi upernaagaa matunnginnerani kuisaliarineqarsimasoq. Kuulti mobiltelefuunitut angissusilik 1 kiilumik oqimaassuseqarpoq, inuinnarmillu pisiaasimalluni. Normoqarpoq A00006 - tassa kuultimik akusaliat akuitsut Nalunameersut siulliit ilagalugu.
Kuulti Kalaallit Nunaanneersoq pinnersaasiassatut assut piumaneqartarpoq - pingaartumik katittunut assammiuliassatut pilerigineqartarluni.
Nalunami kuultisiorfik ukiormanna ammaqqissasoq siusinnerusukkut oqaatigineqarnikuuvoq.