Kuulti ataaseq TaeKwonDo-mi unamminermi

Allattoq Jokum Nielsen
juulip 30-at 2006 12:46

TaeKwonDo-nikkut nunarsuarmi pissartanngorniunnerit naggaseraluttualerput. Rita Helme unammiartortumik angalaqataasoq allappoq inuusuttut ataasiakkaarlutik unammineranni ajugaasoqanngitsoortoq, kisiannili inuusunnerpaat akornanni 16-it pitsaanerpaanut ilannguneq anguneqarsimasoq. Inuussuttut utoqqaanerumaani pitsaanerpaanut aqqaneq-marlunnut ilannguttoqarpoq. Powerbreaking-imi tassa nagguisaqattaarnermi Johannes reimer nunani tallimani unammisartut ilagalugit pingajunngoraluarpoq, kisiannili medaliannannani. Rita Helme angusaminnik naammagisimaarinneqaqisoq naggasiivoq nunarsuarmi TaeKwondomi unammersuarnermi Kalaallit Nunaat ataatsimik kuultinnattoq, arfinilinnik sølvinnalluni tallimanillu bronzinnalluni.