Kuujjuarmi timmisartumit mamakujuit nakkakaatinneqarpunaasiit

Kuujjuaq sukkuaqqanik mamakujunnillu allanik ukioq manna aamma nakkaatitsiffigineqarpoq.
Assi © : Alanah Heffez/Flickr Creative Commons
januaarip 05-at 2016 14:27
Nutserisoq Ivik Kristiansen

Kuujjuami mamakujuit timmisartumit nakkaatinneqartarneri juullip ukiutoqqallu akornanni ukiuni 50-ingajanni ilitsoqqussarineqarsimavoq.

Silarlunnerli pissutaalluni ilitsoqqussaq ukiutoqanngilaartoq ukioq manna aatsaat pivoq.

Niuertoq Bob May niuertarfimmi qalianit mamakujuttunik siaruaassimmat ilitsoqqussaq aallartinneqarpoq.

Aamma atuaruk Johnny May pillugu filmiliaq Canadami takuteqqaarneqartussanngortoq

Ukiulli 45-rut kingulliit taassuma ernerata, Canadamilu naggueqatigiit Inunni timmisartortartup siulliup, Johnny Mayip, ilitsoqqussaq ingerlataraa.

Timmisartuminiillu mamakujuttunik nakkaatitsileraangat meeqqat qiimmallutik mamakujuttunik katersisarput, tamannalu juullip nalaani Kuujjuap meerartaanut nuannarineqarnerpaat ilaanniilersimalluni. 

Johnny May Nunavimi tusaamasaasorujussuuvoq. Mamakujuttunillu nakkartitsisarnermi saniatigut inuit pinngortitami tammartunik annaassaqartarpoq, anorersuartumilu kujataanut napparsimmaviliuussisarluni.

Aamma atuaruk Kunngit pingasut tungaannut juullertarput

The National Film Board of Canada, Johnny May pillugu ukiut marluk matuma siorna filmilioreerput. Aamma timmisartukkut angallanneq pillugu katersugaasivik Kuujjuami mamakujunnik nakkaatitsisarneq pillugu meeqqat atuagaannik juulleriartortoq saqqummersitsipput, The Kuujjuaq Christimas Candy Drop-imik qulequtserlugu.

Canadami meeqqat Johnny Mayip sulilluarnera, Kuujjuamilu juullisiortarneq pillugu maanna atuarsinnaapput.

Aamma atuaruk Naggueqaterput timmisartortartoq ataqqiniarneqassaaq

Aamma atuaruk Timmisartortartoq mamakujunnik tunioraasartoq nuannarineqarluarpoq