Kutteri orsussamik misileraanermut atugaq

Hirtshalsimi Umiarsualiviup nittartagaani tamanna allaaserineqarpoq.

Suliffeqarfik nutaaq aallarteqqammisoq, Nanoil, orsussaq imermik akullugu misiliisimavoq. Tamanna aatsaat misilinneqanngilaq, imerli qanoq annertutigisumik akuliunneqarnersoq misiliutaasimavoq. Orsussaq imermik akuneqaraangami ikumaleraangami minguinnerulersarpoq, aalarlu navianannginnerusoq aniasarluni. Orsussaq 25 procentimik aamma akikinnerulersarpoq, kissarpallaanngitsumilu ikumasinnaalersarluni.

- Misileraanerput suli nutaajusorujussuuvoq, maskiinalli qanoq isumannaatsiginersut uppernarsarsinnaalerutsigu pisiniartoqarlualernissaa ilimagaarput, tuniniaanermut pisortaq, Magnus Fossheim, oqarpoq. Maskiinat illoqarfiit kialiorfiinut, umiarsuarnut suliffissuaqarfinnullu tunineqartarput.

Assimiut Polar Seafoodimit pigineqarpoq, misileraanerlu naammassimmat kutteri maanna tuniniarneqalersoq, Hirtshalsimi aviisimi allaaserineqarpoq.